Kulturmiljøet
Forsvarsanlegget Akershus Festning er eit av landet sine viktigaste kulturminne, med bygningar og anlegg frå mellomalderen og fram til vår tid. Festninga har ein særleg posisjon som nasjonalmonument på grunn av plasseringa i hovedstaden og rik historie knytta til konge- og statsmakt.
Søndre Brohus vart oppført i år 1867-69, og var opphaveleg verdipapirlager for Finans- og tolldepartement. Utført av ingeniør Otto Fougner, som også har bygd tvillingbygninga – Nordre brohus, på andre sida av festningsporten. Denne bygninga vart brukt som frimerkelager.
Sjå meir informasjon om tiltaket i biletehjulet under
Eksempelet Toaletta i Søndre brohus – Akershus festning
- Toalettløysinga i Søndre brohus ved Akershus Festning er eit godt eksempel på korleis ein kan leggje til rette for ny bruk i eit freda forsvarsanlegg. Dette eksempelet viser gode tilpassingar gjennom førebiletleg oppføring av nye toalettfasilitetar som samsnakkar med bygningskonstruksjonen.
- Søndre brohus vart vedtaksfeda i 2014.
- Trenger du informasjon om tiltaket, ta kontakt med Forsvarsbygg ved Faggruppa for kulturminne.
Den opphavlege bruken av Søndre Brohus
Bygninga vart reist i år 1867-69 som verdipapirlager for Finans- og tolldepartement. Utført av ingeniør Otto Fougner, som også har bygga tvillingbygninga – Nordre brohus, på andre sida av festningsporten. Den andre bygninga vart brukt som frimerkelager.
Bygninga er tidstypisk for 2.halvdel av 1800-talet: i teglstein med avtrappa gesims og fine hoggesteinsdetaljar. Innvendig er rommet delt i to, med to symmetriske krysshvelv i teglstein.
Hovudutfordringa ved tilpassing til ny bruk
Det som var utfordringa ved å leggje til rette for ny bruk ved søndre brohus, var korleis utforme romma og interiøret og samtidig få fram særeigenheita ved bygninga.
Bilete visar opphavlege støypejernssoddar og stålgitter som er restaurert og ivaretatt.
Tilpasse og framheve arkitektonisk særpreg
I arbeidet med å tilpasse den nye funksjonen og medfølgande nytt interiør, har hvelvingane vore særleg styrande for utforming av dei nye toaletta. Forsvarsbygg valde å late dei nye skiljeveggane fylgje hvelva sine kryssliner, og gjorde hvelva godt synlege ved at øvre delar av veggane er utforma i glas.
Fire romslege toalett og eit flott midtrom
Etter at bygninga vart istandsett for ny bruk og fekk nytt interiør, resulterte dette i fire asymmetriske romslege toalett og eit flott midtrom. Forsvarsbygg markerte midtpunktet i dette sentrale rommet, og NFV valde arena-symbolet som detalj i midtre flis. I tillegg til toaletta har bygninga også teknisk rom og lager.
Fargane på overflatene ved dører, vindauge og golv er inspirert av bygningselementa: raud/oransje frå teglstein, grå frå granitt, svart frå støypejern.
Det universelt utforma toalettet er stort og romsleg og av høg standard for å vere eit offentleg toalett.
